Një aksident tragjik më pasojë vdekjen e Elidon Hamzaj ka ndodhur ditën e sotme në aksin Peshkopi-Maqellarë.
Aksidenti ka ndodhur në momentin që mjeti ka dalë nga rruga, ndërkohë që përveç humbjes së jetës së Elidon Hamzaj janë plagosur edhe tre persona të tjerë. Të plagosurit janë dërguar në spital ku edhe po marrin trajtim mjekësor. Për sa i përket viktimës burime për “Gazetën Reforma” bëjnë me dije se i riu ishte 28 vjeç dhe ka një fëmijë të moshës 2-vjeçare.
Dyshohet se të aksidentuarit kanë lidhje familjare me njëri-tjetrin. Siç shihet nga pamjet e siguruar nga ‘Balkan Web’, makina ka dalë nga rruga dhe ka përfunduar në arë. Ndërkohë në vendin e ngjarjes ndodhet policia dhe ambulanca e cila i ka ardhur në ndihmë të plagosurve. Gjithashtu autoritetet po punojnë për nxjerrjen e automjetit me litar nga zona ku ka përfunduar.
“Rreth orës 11.30, në aksin rrugor Peshkopi-Maqellarë, ka dalë nga rruga automjeti tip ‘Volksëagen Pasat’, dhe për pasojë ka humbur jetën shtetasi E. H., si dhe kanë mbetur të lënduar dhe shtetasit që udhëtonin në automjet P. H., D. H., dhe A. H., të cilët janë transportuar për ndihmë mjekësore në spital. Grupi hetimor ndodhet në vendin e ngjarjes,po hetohet për shkaqet e aksidentit”, thuhej nënjoftimin e Policisë së Shtetit në informacionin e tyre paraprak.
