Një aksident ka ndodhur në Vlorë gjatë mbrëmjes së sotme. Ngjarja ka ndodhur rreth orës 20:26 në rrugën Gjergj Kastrioti. Bëhet me dije se një makinë tip “Smart” ka goditur një motoçikletë tip “Lifan”. Si pasojë e përplasjes ka mbetur i plagosur drejtuesi i motoçikletës, identiteti i të cilit nuk është bërë ende me dije, por policia ka publikuar inicialet e tij, A.S. Gjithashtu është plagosur edhe drejtuesja e makinës, shtetasja me inciale F.F. Të plagosurit janë nisur menjëherë drejt spitalit Rajonal të Vlorës për të marrë ndihmën e nevojshme mjekësore dhe ndodhen aktualisht nën kujdesin e mjeëve. Nga informacionet paraprake bëhet me dije se drejtuesi i motomjetit ka pësuar vetëm disa fraktura. Gjithashtu bëhet e ditur nga burime të tjera se automjeti Smart që goditi motoçikletën ishte me targa të huaja. Policia është duke punuar për zbardhjen e plotë të rrethanave të ngjarjes dhe shkaqet që çuan në aksidentin
Njoftimi i Policisë:
Vlorë/ Informacion Paraprak
Rreth orës 20:26, në rrugën “Gjergj Kastrioti”, një mjet tip “Smart” me drejtuese shtetasen F. F, është përplasur me motomjetin tip “Lifan” me drejtues shtetasin A. S.
Si pasojë e aksidentit, janë dëmtuar të dy drejtuesit e mjeteve, të cilët ndodhen në spitalin e Vlorës nën kujdesin e mjekëve.
