Një aksident rrugor është shënuar ditën e sotme në lagjen “Lef Sallata” të qytetit të Vlorës, ku një automjet ka përplasur një grua dhe vajzën e saj të mitur.
Sipas informacioneve zyrtare nga policia, 29-vjeçarja P. M. dhe vajza e saj 5-vjeçare u goditën nga një automjet që po kryente manovrën indietro (mbrapsht).
Për fat të mirë, të dyja ndodhen jashtë rrezikut për jetën dhe, pas marrjes së ndihmës mjekësore në spitalin e Vlorës, janë larguar për në banesë.
Ngjarja është regjistruar në orët e paradites dhe drejtuesi i mjetit, shtetasi L. Xh., 30 vjeç, banues në Vlorë, është proceduar penalisht për shkaktim aksidenti me pasoja të lehta në shëndet.
Policia lokale ka bërë të ditur se janë referuar materialet përkatëse në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, ndërsa vijojnë veprimet procedurale për zbardhjen e plotë të rrethanave të aksidentit.
