Një aksident ka ndodhur gjatë natës në bulevardin “Gjergj Fishta” në Lezhë, ku një automjet tip “Audi” ka humbur kontrollin dhe është përplasur me pesë makina të parkuara pranë Varrezave të Dëshmorëve.
Si pasojë e përplasjes, drejtuesi i automjetit ka mbetur i plagosur dhe është dërguar në spitalin e qytetit për trajtim.
Sipas të dhënave paraprake, dyshohet se shkak i aksidentit ka qenë shpejtësia e lartë e automjetit. Policia po heton për të zbardhur shkaqet e plota të ngjarjes.
