Një aksident tragjik me pasojë vdekjen ka ndodhur në orët e mëngjesit në Durrës, në rrugën “Martin Camaj”, lagjja nr. 13.
Sipas raportimeve, një 37-vjeçar ka humbur jetën pasi automjeti i tij është përplasur me një tjetër makinë. Si pasojë e aksidentit, dy persona të tjerë, drejtuesja dhe pasagjerja e mjetit tjetër, kanë mbetur të plagosur.
Policia ka mbërritur në vendngjarje dhe po vijon hetimet për të përcaktuar shkaqet e sakta të aksidentit.
Njoftimi:
“Më datë 27.02.2025, në lagjen nr. 13, Durrës, në rrugën “Martin Camaj”, automjeti me drejtues shtetasin R. L., 37 vjeç, është përplasur me automjetin me drejtuese shtetasen T. Ç., 49 vjeçe.
Si pasojë ka humbur jetën në vendngjarje shtetasi R. L. dhe janë dëmtuar shtetasja T. Ç. dhe pasagjerja në automjetin e saj, shtetasja K. D., të cilat ndodhen në kujdesin e mjekëve.
Grupi hetimor po punon për zbardhjen e rrethanave të aksidentit”
