Tre persona, pasagjerë në një automjet tip “Hyundai” janë plagosur si pasojë e një aksidenti që ndodhi në aksin Korçë-Maliq.
Referuar një informacioni zyrtar nga policia, pasagjerët e plagosur janë transportuar në spital, jashtë rrezikut për jetën. Aksidenti ndodhi në afërsi të fshatit Çiflig, ku automjeti “Huyndai” u përplas me automjetin tip “Honda”.
Korçë/Informacion paraprak
Rreth orës 13:35, në aksin rrugor “Korçë-Maliq”, në afërsi të fshatit Çiflig, automjeti tip “Hyundai” me drejtues shtetasin R. A. është përplasur me automjetin tip “Honda” me drejtues shtetasin G. K.
Si pasojë janë dëmtuar tre pasagjere të automjetit tip “Hyundai”, të cilat janë dërguar në spital, për mjekim, dhe janë jashtë rrezikut për jetën.
Drejtuesit e automjeteve janë shoqëruar në Komisariat, për kryerjen e veprimeve procedurale. Grupi hetimor po punon për sqarimin e rrethanave të aksidentit.
