Një aksident tragjik me pasojë vdekjen e një personi ka ndodhur mbrëmjen e së mërkurës, më 9 korrik 2025, rreth orës 23:20, në autostradën Tiranë–Durrës, në një segment që dyshohet se nuk ishte i aksesueshëm për qarkullimin e biçikletave.
Sipas të dhënave paraprake, një automjet i drejtuar nga shtetasi F. Z., 38 vjeç, ka përplasur një biçikletë me të cilën po udhëtonte shtetasi E. M., 66 vjeç.
Përplasja ka qenë fatale për 66-vjeçarin, i cili ka ndërruar jetë në vendngjarje.
Drejtuesi i automjetit është shoqëruar në komisariat për veprime të mëtejshme procedurale, ndërsa grupi hetimor ndodhet në vendin e ngjarjes dhe po punon për të sqaruar shkaqet dhe rrethanat e aksidentit.
Ende nuk është konfirmuar nëse viktima po lëvizte në një zonë të lejuar për qarkullimin me biçikletë.
