Një aksident rrugor është regjistruar paraditen e sotme në zonën e njohur si ‘Pushimi i Shoferit’ në Lushnjë, ku disa automjete janë përplasur mes tyre, duke shkaktuar trafik të rënduar dhe një radhë kilometrike në këtë segment të autostradës.
Si masë emergjente, është bllokuar përkohësisht kalimi i mjeteve në drejtim të Këmishtajt dhe Krutjes, në mënyrë që të mundësohet zhbllokimi i autostradës.
Ky është aksidenti i katërt që ndodh në të njëjtën zonë vetëm gjatë kësaj jave, duke rikthyer vëmendjen te problematikat e sigurisë rrugore në këtë segment. Autoritetet po punojnë për sqarimin e rrethanave dhe shkaqeve të aksidentit.
