Një aksident i rëndë rrugor është shënuar paraditen e sotme, rreth orës 11:30, në fshatin Nizhavec të njësisë administrative Maliq.
Dy automjete janë përplasur mes tyre, duke shkaktuar dëme të konsiderueshme dhe plagosjen e njërit prej drejtuesve.
Sipas pamjeve, një prej mjeteve ka dalë nga rruga dhe është përmbysur në një fushë pranë vendit të ngjarjes.
Në aksident janë përfshirë një automjet tip “Benz”, i drejtuar nga shtetasi J.D., dhe një mjet “Volkswagen”, me drejtues shtetasin L.S.
Përplasja ka sjellë dëmtime për drejtuesin e “Volkswagen”-it, i cili është dërguar me urgjencë në spitalin e Korçës dhe ndodhet nën kujdesin e mjekëve. Ndërkohë, drejtuesi i “Benz”-it është shoqëruar nga policia për procedurat hetimore.
Në vendin e ngjarjes ndodhet grupi hetimor, i cili po punon për të sqaruar rrethanat dhe shkakun e aksidentit.
