Rrugët e vendit janë përgjakur sërish ditën e sotme, ndërsa një aksident i rëndë ka nodhur në aksin rrugor Lushnjë-Divjakë. Si pasojë dy persona kanë humbur jetën. Mësohet se një autmojet ka përplasur një motor dhe ka shkaktuar vdekjen e drejtuesit e pasagjerit në të. Policia njofton se aksidenti ka ndodhur rreth orës 15:10 në vendin e quajtur “Ura e Gradishtës”. Bëhet me dije se shtetasi A.S. ka përplasur me mjetin e tij tip “Benz” motorin tip “Lifan”. Drejtuesi dhe pasagjeri i motorit që kanë ndërruar jetë janë ende të paidentifikuar. Ndër të tjera, policia njofton se ka shoqëruar në komisariat drejtuesin e automjetit dhe janë duke u kryer veprimet e nevojshme procedural. Grupi hetimor është duke punuar për zbardhjen e plote te rrethanave të ngjarjes.
Njoftimi i policisë:
Sot rreth orës 15:10, në aksin rrugor Lushnjë-Divjakë, në vendin e quajtur “Ura e Gradishtës”, shtetasi A. S., 51 vjeç, banues në Spolat, Lushnjë, duke drejtuar automjetin tip “Benz” është përplasur me motomjetin tip “Lifan”.
Si pasojë e përplasjes është dëmtuar drejtuesi i motomjetit dhe pasagjeri në motomjet,(ende të paidentifikuar) të cilët kanë ndërruar jetë.
Është shoqëruar drejtuesi i automjetit dhe po kryhen veprimet procedurale.
Grupi hetimor po punon për zbardhjen e rrethanave të ngjarjes.
