Një aksident i rëndë ka ndodhur gjatë natës në aksin Elbasan–Rrethrrotullimi i Bradasheshit, në afërsi të fshatit Katund i Ri.
Një autoveturë, e dyshuar për tejkalim të shpejtësisë, ka humbur kontrollin gjatë një manovre parakalimi dhe është përplasur me një kamion në lëvizje.
Si pasojë e goditjes së fortë, makina është dëmtuar rëndë, ndërsa gomat e saj të përparme janë shpërndarë disa metra larg vendit të përplasjes.
Paraprakisht raportohet se drejtuesi i automjetit dhe një pasagjer janë dërguar me urgjencë në Spitalin Rajonal të Elbasanit për trajtim mjekësor.
Policia ka mbërritur në vendngjarje dhe po heton për të sqaruar rrethanat dhe përgjegjësinë e aksidentit.
