Një aksident i rëndë ka ndodhur pasditen e sotme në aksin nacional Berat-Skrapar. Dy makina janë përplasur me njëra-tjetrën në vendin e quajtur “Qafë Hoxhaj”.
Në aksident janë përfshirë një automjet “Golf” me targa AA 363 DI dhe “Seat” me targa AA 679 BT. Mësohet se përplasja ka qenë e fuqishme, pasi dy makinat janë shkatërruar plotësisht.
Katër persona kanë mbetur të plagosur, pasagjerë në të dyja mjetet, mes tyre edhe dy fëmijë. Ata janë transportuar drejt Spitalit Rajonal të Beratit tashmë janë nën kujdesin e mjekëve. Mësohet se të plagosurit janë jashtë rrezikut për jetën.
ndër të tjera, bëhet e ditur se ka qenë mjeti tip “Golf”, i cili po vinte nga Skrapari në drejtim të Beratit, ai që ka humbur kontrollin dhe më pas ka hyrë në korsinë ku po kalone mjeti “Seat” që drejtohej nga shtetasi italian Guido Sivori.
Shtetasi Italian ka treguar për mediat se po ecte me shpejtësinë e lejuar, ndërsa makina tjetër erdhi nga kthesa në sensing e kundërt. Ai u shpreh se u përpoq ta evitonte, por përplasja ishte ballore.
“Unë isha në të djathtë, me shpejtësinë e lejuar dhe makina tjetër doli nga kthesa dhe erdhi në sensin e kundërt. U përpoqa ta evitoja, por nuk ia dola. Nuk e vura re, ishte me shpejtësi dhe përplasja ishte ballore në korsinë time. Isha me familjen time dhe janë mirë”, tha Sivori.
