Aksident i rëndë, motorri ndahet në gjysëm (Detaje)

Duket se aksidentet me hyrjen e verës nuk paskan të mbaruar. Një ngjarje tragjike ka ndodhur mesditën e sotme në afërsi të TEG-ut, Tiranë, pasi një motorr është përplasur me një betoniere. Si pasojë e aksidentit ka ndërruar jetë në spital 40-vjeçari i cili drejtonte motorin. Shtetasi me inicialet E.T, drejtuesi i motomjetit fillimisht mbeti i dëmtuar dhe u transportua drejt spitalit për të marrë ndihmën mjekësore, por edhe pas tentativave të mjekëve për ta shpëtuar ai ka ndërruar jetë, pasi nuk ka arritur t’i mbijetojë plagëve të marra nga aksidenti i fortë. Ngjarja ndodhi sot rreth orës 15:40 ku E.T 40 vjeç duke drejtuar motomjetin e tij është përplasur me një mjet (betoniere) me drejtues shtetasin A. H., 41 vjeç, i cili është në gjendje të mirë shëndetësore. Në afërsi të rretrolullimit të TEG-ut  po zhvillohen punime prej disa kohësh tashmë, pasi po ndërtohet një nënkalim. Aktualisht grupi hetimor po punon për sqarimin e rrethanave të aksidentit. Ndërkohë disa orë më parë në Maliq ka ndodhur një aksident i rëndë, por fatmirësisht pa pasojë në jetë , vetëm dëme materiale. Makina doli nga rruga dhe  për pasojë u përplas me bordurën anësore në afërsi të fshatit Pirg. Është dashur ndërhyrja e zjarrfikësve për të nxjerrë drejtuesin nga makina, i cili nuk është në gjendje të mir, pasi ka marrë dëmtime të rënda.