Një incident detar ka ndodhur në bregdetin e ishullit Diaporos në Halkidiki, ku një varkë me qira, që transportonte shtatë persona, është përplasur në shkëmbinj. Si pasojë, tre prej pasagjerëve kanë mbetur të lënduar.
Në bord ndodheshin gjashtë shtetas nga Kosova dhe një shtetas amerikan. Roja Bregdetare greke ndërhyri menjëherë në vendngjarje dhe konfirmoi se të lënduarit, identiteti i të cilëve nuk është bërë publik, u transportuan fillimisht në Qendrën Shëndetësore të Agios Nikolaos, e më pas në Spitalin e Përgjithshëm të Poligyros. Pas marrjes së ndihmës së parë, ata janë liruar nga spitali.
Varka është përmbysur pas përplasjes, por është tërhequr më pas në breg. Autoritetet greke kanë nisur një hetim paraprak për ngjarjen, i cili po zhvillohet nga Stacioni i Rojës Bregdetare Ormos Panagias, në kuadër të Departamentit të 3-të të Rojës Bregdetare të Neos Marmaras.
