Një ngjarje e rëndë ka ndodhur sot në Vlorë, ku një 17-vjeçare ka konsumuar një sasi medikamentesh në banesën e saj. Për shkak të gjendjes së rënduar, ajo fillimisht mori ndihmën mjekësore në spitalin e Vlorës dhe më pas u transportua në Tiranë për trajtim të specializuar.
Policia ka nisur hetimet për të zbardhur rrethanat e ngjarjes dhe për të kuptuar arsyet që e çuan adoleshenten të ndërmarrë këtë veprim. Grupi hetimor po vijon punën për të siguruar informacion të plotë mbi rastin.
Njoftimi i policisë:
“Sot, në spitalin e Vlorës është paraqitur për ndihmë mjekësore një shtetase e mitur, 17 vjeçe, e cila dyshohet se ka konsumuar një sasi medikamentesh në banesë. Për shkak të gjendjes së saj shëndetësore, ajo do të transportohet në Tiranë për trajtim të specializuar. Grupi hetimor po kryen veprimet për zbardhjen e plotë të ngjarjes.”
