Këtë të mërkurë, në Gjykatën e Shkallës së Parë në Fier është paraqitur 36-vjeçari Zamir Meta, i cili përballet me akuza të rënda për abuzim seksual ndaj vajzës së tij 12-vjeçare.
Meta, i cili është baba i shtatë fëmijëve, ka pranuar para policisë gjyqësore se ka kryer aktin, por ka deklaruar se ngjarja ka ndodhur vetëm një herë. Procesi ndodhet ende në fazën paraprake dhe pritet të vijojë me shqyrtimin e provave dhe dëshmive.
Ndërkohë, nëna e vajzës ka treguar se adoleshentja është larguar nga banesa në orët e para të mëngjesit dhe ka kërkuar ndihmë pranë fqinjëve, duke qenë në gjendje të rënduar psikologjike. Ajo dyshon se abuzimi ka qenë i vazhdueshëm që nga mosha pesë vjeç, por vajza nuk e kishte treguar më parë.
Autoritetet vijojnë hetimet për të zbardhur të gjitha rrethanat e kësaj ngjarjeje të rëndë.
