Regjisori Robert Budina ka folur për herë të parë pas publikimit të listave të Partisë Demokratike për Zgjedhjet e 25 prillit dhe mospërfshirejn e emrit të tij në këto lista. Në një intervistë për Fax news ai ka thënë se angazhimi i tij në PD nuk ka qenë për t’u bërë pjesë e listave, por ishte çështje parimesh
“Nuk ka asnjë të vërtetë për këtë. Nuk ishte për kandidaturat e PD-së. Ishte për thelbin, parimin, mënyrën sesi veprojnë partitë e vogla që përpiqen të kapen me një gjë. Nuk është fare e përqëndruar te kandidatura e ime. Ka të bëjë me parimin sesi funksionon politika në Shqipëri.”, tha Budina.
Regjisori ka thënë më tej se është angazhuar në politikë kur filloi të mbornte teatrin dhe se misioni i tij nuk ishte të shkonte në parlament. Por Budina e ka pranuar se bindjet e tij janë të djathta dhe pro Partisë Demokratike e se beteja e tij nuk ka mbaruar akoma.
Unë u angazhova në politikë kur fillova të mbroja teatrin. Duke mbrojtur atë ne kuptuam sa mangësi kja politika shqiptare. Misioni ime ishte ky. Misioni im nuk ishte të isha në Parlament. Bindjet e mia janë të djathta, pro partisë Demokratike në mënyrë të padiskutueshme. Në misionin tim kam qenë qytetar. Mendoj se ka nevojë për një freskim. Beteja ime nuk ka mbaruar akoma,,” u shpreh Budina.
I pyetur nëse ka pasur ftesë nga Basha për t’u bërë pjesë e zgjedhjeve ai u shpreh se e kishte propozuar baza e PD, ndërsa kryesia zgjodhi një ekip që mendoi se do të ishte fitues. Ai tha se ka patur 20 takime me Bashën dhe nuk ka folur asnjëherë për këtë, ndërsa u shpreh se ditën që u shemb teatri Basha ishte atje.
“PD-ja bëri një proces përzgjedhje. Baza propozonte, baza votonte dhe më pas përzgjidhte. Mua më propozoi baza e PD-së. Unë i kalova të gjitha proceset dhe në fund vendosi kryesia e partisë Demokratike. Në fillim kur më propozuan nuk kisha ndonjë dëshirë. Ata që më propozuan thanë që duan që zëri im të ishte aty. Zgjodhi kryesia e partisë Demokratike. PD-ja zgjodhi një ekip që mendoi që do të jetë fitues, dhe ka gjithë të drejtën e saj. Ne nuk ishim aty për të luftuar për të shkuar në parlament. Kam pasur 20 takime me zotin Basha. Asnjëherë nuk kemi folur për këtë. Kam vepruar si një qënie qytetare për ta përcjellë këtë fryme dhe nuk kemi pasur asnjë takim. Takimet tona kanë qenë gjithmonë për parimet, do mbrojmë teatrin kombëtar. Ditën që u shemb teatri, Basha ka qenë aty. Besimi shpirtëror nuk mund të thyhet vetëm me të qenurit në Parlament. Do të përpiqemi që zëri i shqiptarëve të shkojë jo vetëm në parlament”, tha Budina.
