Ministria e Arsimit para disa javësh njoftoi se mësimi në universitete nuk do të zhvillohej në auditorë, por online.
Ky vendim u prit me shumë reagime kundër si dhe protesta nga disa studentë, për vetë faktin se si njoftim erdhi vetëm 3 ditë para se të niste mësimi dhe nxënësit kishin ardhur në Tiranë për të nisur jetën studentore.
Edhe pse janë mbyllur universitetet shkollat tetë vjeçare dhe gjimnazet vazhdojnë që të zhvillojnë mësim nëpër klasa.
Rastet e shkollave që kanë pezulluar mësimin për shkak të infektimeve të mësuesve janë të shumta, por mësimi ka rifilluar pas disa ditësh.
Ditën e sotme ka pasur një situatë alarmante në Elbasan ku nga 19 persona të infektuar në këtë zonë, 10 ishin mësues.
Teksa rastet e reja ditore janë shtuar në mbi 500 dhe situata është shumë e rëndë, mos ndoshta duhet që edhe mësimi i jo universitarëve të zhvillohet online?
Shumë shkolla i kanë ndarë në tre turne klasat dhe mësimi ka rastë që shkon deri në orët e vona të mbrëmjes.
/IconStyle.al/GazetaReforma.com/
