Presidenti rus Vladimir Putin nuk ka në plan të marrë pjesë në funeralin e ish liderit të Ëagner, Prigozhin. Lajmi u bë i ditur nga zëdhënsi i Kremlinit Dmitry Peskov, i cili bëri me dije mëngjesin e sotëm se “prania e presidentit nuk është parashikuar”.
Peskov tha se Kremlini nuk kishte ndonjë informacion specifik në lidhje me funeralin dhe aranzhimet ishin në dorën e familjes.
Nuk është e qartë se kur po mbahet funerali i Prigozhin, por siguria duket se po forcohet në një varrezë të Shën Petersburg këtë mëngjes.
Putin i bëri homazhe Prigozhin pas rrëzimit të avionit të javës së kaluar, duke e quajtur atë një biznesmen të talentuar që bëri “gabime serioze”.
“Dua të shpreh ngushëllimet e mia më të sinqerta për familjet e të gjitha viktimave. Është gjithmonë një tragjedi”, tha Putin në një fjalim televiziv.
Prigozhin e njihja prej shumë kohësh, që nga fillimi i viteve ’90. Ai ishte një njeri me fat të vështirë dhe bëri gabime të rënda në jetë.
