Sot, gjatë një konference me gazetarët Lulzim Basha u pyet rreth protestave te bashkia e Tiranës. Ai shprehu hapur mosmbështetjen e tij për protestat nëse ato do të’ udhëhiqen nga Ilir Meta’. Basha argumentoi se nuk mund të ketë një protestë të suksesshme kundër korrupsionit nën udhëheqjen e Metës, i cili, sipas tij, ka kontribuar në ardhjen në pushtet të Edi Ramës dhe ka mbështetur vendime të dëmshme për vendin.
Basha theksoi, “Protesta është e duhur, por që protesta të jetë e duhur nuk mund të bëhet me Ilir Metën. Ai e ngriti në pushtet Edi Ramën. Tani më ngrenë aty në piedestal Metën. Faqe e zezë.” Ai vijoi duke akuzuar Metën për hipokrizi dhe për të qenë një pjesë e problemit, jo zgjidhjes. “Ata që për interesa personale i vunë minat opozitarizmit, është koha që të bëjnë reagim. Besueshmëria në këtë rast lë shumë për të dëshiruar.”
Duke iu referuar më tej sjelljeve të Metës në të kaluarën, Basha shtoi, “Ilir Meta ka qenë nxitës i djegies së mandateve… Më pas u puth me Edi Ramën në Shkodër… Ai është përfituesi më i madh i Ramës. Për ne Ilir Meta i ka mbyllur diskutimet.” Ai përfundoi duke shprehur se për Partinë Demokratike, Meta dhe Lëvizja Socialiste për Integrim (LSI) nuk do të jenë partnerë politikë në të ardhmen. “Është pazarxhi kronik. Problemet si ka më me PD, as me qytetarët, por i ka aty ku i ka dhe të përballet me to,” përfundoi Basha.
