Ditën e sotme, Ministria e Shëndetësisë ka njoftuar se numri i të infektuarve nga COVID-19 në vendin tonë ka shkuar në 89 persona nga 803 teste të kryera në total.
Në 24 orët e fundit janë kryer 33 teste dhe rastet e reja janë regjistruar në Tiranë, Durrës, Korçë dhe Rrogozhinë, teksa ky është numri më i lartë i të infektuarve brenda 24 orësh në vendin tonë.
Prej tyre, 43 persona janë shtruar në Spitalin Infektiv dhe 4 prej tyre janë në gjendje të rëndë, në terapi intesive, teksa të tjerët janë në gjendje të stabilizuar.
Së fundmi, News 24 bën me dije se para Urgjencës në QSUT so ngrihen çadra për të bërë triazhimin e pacientëve.
Pra, të gjithë personat që paraqisin simptomat e COVID-19 do tu nënshtrohen testeve pikërisht në këto ambiente, jashtë Spitalit, për të evituar kontaktin dhe mundësinë e përhapjes së infeksionit te personeli shëndetësor dhe pacientët e tjerë.
Megjithatë, Ministria e Shëndetësisë nuk ka reaguar ende, teksa pritet një konfirmim zyrtar nga autoritetet.
Më herët ditën e sotme, mjeku Tritan Kalo bëri me dije se në Spitalin Infektiv janë shtuar 12 respiratorë dhe po punohet për përpunimin e infrastrukturës.
Mjeku zbardh situatën brenda Infektivit: Nga gjendja e pacientëve tek kapacitetet e Spitalit
