Pas atentatit që i është bërë Ardian Çapjas në Elbasan, ka reaguar edhe gazetari investigativ Artan Hoxha.
Ky i fundit ka komentuar ngjarjen duke risjellë në kujtesë deklaratën e kryeministrit Edi Rama, të vitit 2018, i cili menjëherë pas vrasjes në ish-bllok tha se bandat le të vazhdojnë të hanë kokat e njëri-tjetrit.
Hoxha në këtë reagim shprehet se djemtë e krimit po ia ndjekin këshillën të parit të qeverisë.
Reagimi i plotë i gazetarit Artan Hoxha:
“Ta hanë kokën e njeri-tjetrit, dhe sa herë ta hanë kokën e njëri-tjetrit, që ta dish ti, unë nuk ndjej absolutisht asnjë gjë tjetër, përveç se marrim frymë thellë.
Kështu që kur të hanë kokën e njëri-tjetrit, hëngshin kokat e njëri-tjetrit, dhe mos u ngopshin duke ngrënë kokat e njeri-tjetrit”…
Të vrasin njeri-tjetrin, ta bëjnë ata, dhe janë të lutur ta bëjnë”… Të paçim, komandant, po ta ndjekin këshillën.
Atë po bëjnë. Po hanë kokat e njëri-tjetrit dhe nuk po ngopen se ngrëni kokat e njëri-tjetrit…
Kur agjencitë e zbatimit të ligjit, kthehen në agjenci funerale, normale që zjarrfikësit do plagosen duke fikur zjarrin e makinës se atentatorëve, pasi janë larguar nga vendi i krimit…”.
Ditën e sotme Ardian Çapja ka rënë pre e një atentati të tretë, ku është qëlluar me snajper në shpatull.
I plagosur ka ngelur edhe zjarrfikësi Dash Muhaxhiri, i cili ka tentuar të shuajë flakët tek makina e djegur e autorëve, por aty është përballur me shpërthimin e disa fishekëve.
Për fat të mirë, zjarrfikësi është në gjendje të mirë për jetën.
