Italia vijon me ritme pozitive, teksa numri i viktimave është prej ditësh në rënie.
Sot janë regjistruar 269 viktima nga 285 që u regjistruan dje dhe 1,965 raste pozitive, nga 1, 872 që u raportuan ditën e djeshme.
Kështu, numri i përgjithshëm i viktimave ka shkuar në 28,236, ndërsa i të infektuarve në 207,428.
Sakaq, në strukturat spitalore të dhënat vijnë drejt përmirësimit ditë pas dite, teksa në 24 orët e fundit në repartet e terapisë intesive janë shënuar 116 pacientë më pak dhe janë 2,304 pacientë të shëruar më shumë se një ditë më parë.
Në regjim spitalor janë të shtruar 17,569, 1,578 prej të cilëve në terapi intensive.
Ditën e sotme mediat italiane njoftojnë se me kërkesë të ENAC, Autoriteti Kombëtar i Aviacionit Civil, ministri i Infrastrukturës dhe Transportit Paola De Micheli ka nënshkruar me ministrin e Shëndetësisë Roberto Speranza, një marrëveshje që autorizon rihapjen për publikun të dy aeroporteve, atë të Ciampino në Romë dhe aeroportin e Firences, Peretola.
Aeroportet do të hapen më datën 4 maj, kur nis në Itali edhe faza 2 e pandemisë, në të cilën parashikohet edhe të rifillojnë nga puna mjaftë kompani prodhimi dhe biznese të tjera.
LEXO: Italia drejt rikthimit në normalitet: Në 4 dhe 17 maj hap këto aeroporte
Disa ditë më parë, kryeministri Conte bërë të ditur masat e reja lehtësuese, ku pritet të hapen industritë prodhuese dhe të ndërtimit, ndërsa sa i përket shkollave do të hapen në shtator.
LEXO: Italia drejt çlirimit/ Conte shpall planin e ri: Ja çfarë parashikohet, nga bizneset tek shkollat
