Në stadiumin e Air Albania do të luhet sot ndeshja Çeki-Shqipëri, teksa policia ka proceduar 4 persona.
Bëhet e ditur se ata kishin krijuar nëj skemë mashtrimi në shitjen e biletave. Të rinjtë të moshave 22 deri në 35 vjeç i shisnin biletat e ndeshjes me çmime që shkonin deri ne 400 euroi. Uniformat blu bëjnë me dije se ato i reklamonin fillimisht në rrjetet sociale.
“Specialistët për Hetimin e Krimeve Ekonomike dhe Financiare në DVP Tiranë, në vijim të punës për goditjen e veprimtarive kriminale, pas informacioneve të siguruara për disa shtetas, të cilët reklamonin në rrjete sociale dhe shisnin me anë të mashtrimit, bileta për ndeshjen e ditës së sotme, me çmime shumë të larta, menjëherë kanë organizuar punën për identifikimin dhe vënien e tyre përpara përgjegjësisë ligjore. Në vijim të veprimeve u referuan materialet në Prokurori dhe nisi procedimi në gjendje të lirë për shtetasit S. A., 35 vjeç, R. H., 22 vjeç, A. O., 31 vjeç dhe E. Gj., 34 vjeç, të katërt banues në Tiranë”, njoftoi policia.
Kujtojmë se vetëm të martën, pasi u nxorrën në shitje rreth 1300 bileta, ato u shitën për rreth 26 minuta.
