Rreth 32 mijë maturantë do të zhvillojnë ditën e sotme testin e Matematikës, për Maturën Shtetërore.
Provimi do të zhvillohet nën masat e pandemisë së koronavirusit.
Kujtojmë që prej tre ditësh, maturantët kanë protestuar përpara Ministrisë së Arsimit, pasi janë të pakënaqur për hartimin e testit të Gjuhës Shqipe dhe Letërsisë.
Sipas tyre, por edhe disa specialistëve, pyetjet e testit ishin absurde, të pakuptimta dhe jashtë programit.
Maturantët kanë dorëzuar në Ministri një draft prej 10 pikash dhe presin plotësimin e tyre.
Dje në një konferencë për shtyp, zëdhënësja e Ministrisë njoftoi një rivlerësim të testit, por për maturantët kjo është e pamjaftueshme.
Pas provimit maturantët kanë paralajmëruar sërish protestë përpara Ministrisë së Arsimit.
