Gjykata e Shkodrës ka shuar masën e sigurisë “arrest me burg” për disa anëtarë të grupit kriminal “Bajri”.
Ditën e sotme Gjykata e Rrethit Gjyqsor në Shkoder ka shuar masën e “arrestit me burg” për Safet Bajrin, duke urdhëruar qëndrimin në burg vetëm për vendimin penal të formës së prerë, i cili është 9 vite burg, për shkak të një dënimi të dhënë nga drejtësia belge, për trafik droge dhe prostitucion.
Po ashtu, është liruar nga ambientet e paraburgimit Ismet Idrizin, Asmer Bilalin dhe Samet Hallunin, teksa janë zgjatur afatet e paraburgimit për Behar Bajrin dhe Ilir Bajrin.
Gjithashtu masa e sigurimit është zëvendësuar edhe për Emrah Plakun dhe Jorida Muratin, nga “arrest shtëpie” në “detyrim për paraqitje” në policinë gjyqësore.
LEXO: Lirohen nga burgu disa anëtarë të grupit ‘Bajri’ dhe zgjaten afatet e paraburgimit për 2 të tjerë
Së fundmi, rreth këtij lajmi ka reaguar gazetari Artan Hoxha, i cili në një postim në Facebook, jep alarmin për mundësinë e kthimit të krimeve të bujshme të Shkodër pasi sipas tij duket se duke mos dhënë drejtësi, gjykata ka vendosur që të balancojë forcat e grupeve rivale në Shkodër, gjë e cila do të çojë në “qerimin e hesapeve vetë”.
Hoxha ka publikuar një foto të disa personave të armatosur duke theksuar se 3 prej 5 personave në atë foto janë liruar sot dhe gjasat janë që të ketë vrasje të tjerë në qytet.
Postimi i Artan Hoxhës
Kur ligji nuk jep DREJTESI, ate e ben plumbi…
Disa dite me pare prokuroria e Shkodres, dorezoi per gjykim dosjen e ekzekutimit te dy vellezerve Brahim dhe Astrit Bilali, ne pragun e baneses se tyre, me 30 mars 2019.
Por dosja, u dorezua qartesisht, pa emra ekzekutoresh…..edhe pse gjithe Shkodra e di, se kush e ideoi masakren, me objektiv shfarosjen e gjithe burrave te nje fisi,kush e organizoi krimin,
per cfare motivi u be vrasja e dyfishte, kush e terhoqi kembezen e Zastaves, madje dhe se kush ekzekuton me Zastava automatike neper Shkoder.
Sot, gjykata e Shkodres, vendosi me ne fund, te ballancoje”forcat ne terren.
Liroi nga burgu nja tre djem te arrestuar gjate operacionit te shtatorit 2018, nga reparti special RENEA, qe goditi lagjen Dobrac te Shkodres, me synimin per te asgjesuar grupin Bajri.
Pas ketij operacioni policor me vetem nje drejtim, u ekzekutuan ne atentate mafioze dhe 5 qytetare te pafajshem te Shkodres, sigurisht per kompesim nga krahu rival.
Me paftesine e prokurorise te zbuloje vrasjet e vellezerve Bilali, gjykata duket sikur vendosi qe palet ta zgjidhin vet ceshtjen, duke i lene te lire te qerojne hesapet me njeri-tjetrin.
Qe nga sot ne mesdite, 3 nga 5 personat qe ndodhen ne keto foto, duke pozuar me maska dhe Kallashnikove, perfshire dhe nje Zastava automatike, gjenden te lire rrugeve te Shkodres.
Sigurisht, ata jane duke kerkuar njeri-tjetrin per te vendosur drejtesine, me gryken e armeve, drejtesi te cilen ua mohoi DREJTESIA…
Dhe kur te dale ajo profecia e kryeministrit, “kokat hengshin”, mos me thoni pse i cilesoj nja 3-4 qytete, me te rrezikshem se te tjeret.
Ishallah zoti, larte ne qiell, eshte vigjilent dhe nuk lejon qe bashke me “drejtesine” e plumbave, nuk iken hazret dhe ndonje shkodran i pafajshem qe eshte duke pire kafe ne rruge te madhe…
