28 avionë ushtarakë kinezë kanë fluturuar në hapësirën ajrore të Tajvanit. Kujtojmë se disa muaj më parë SHBA-ja lëshoi një paralajmërim kundër Kinës gjithnjë e më agresive. Pekini pretendon sovranitetin e plotë mbi Tajvanin, një demokraci prej gati 24 milionë banorësh që ndodhen në brigjet juglindore të Kinës kontinentale, edhe pse të dy palët kanë qeverisur veçmas për më shumë se shtatë dekada.
Ndërsa Pekini nuk dha asnjë koment në lidhje me ngjarjen, lajmi vjen pasi udhëheqësit e G7 dhanë një deklaratë të përbashkët të dielën duke kritikuar Kinën për një seri çështjesh dhe nënvizuan rëndësinë e paqes dhe stabilitetit në të gjithë ngushticën e Tajvanit.
Ulja e çdo avioni ushtarak në tokën e një kombi tjetër kontrollohet në mënyrë rigoroze nga normat ndërkombëtare dhe kërkon autorizim specifik. Gjatë muajve të fundit, Kina ka kryer operacione shumta pranë ishullit, më tepër në pjesën jugperëndimore të zonës së saj të mbrojtjes ajrore pranë Ishujve Pratas të kontrolluar nga Tajvani.
Jo vetëm që avionët kinezë fluturuan në një zonë afër Ishujve Pratas, por bombarduesit dhe disa nga avionët ushtarakë fluturuan rreth pjesës jugore të Tajvanit. Rikujtojmë se Kina ka kryer misione të tilla në të kaluarën, për të mbrojtur sovranitetin e vendit të tyre.
