Shumë vende janë solidarizuar dhe janë bërë bashkë për t’i ardhur në ndihmë popullit të Afganistanit i cili tashmë është në duart e telebanëve.
Një ndër vendet të cilat do të mirëpresin afganë pas marrjes së kontrollit të Afganistanit nga talebanët, është Gjermania. Ditën e sotme shteti Gjerman tërhoqi 125 persona për t’i strehuar dhe mikpritur në vendin e tyre.
Presidenti i Gjermanisë Frank-Walter Steinmeier ka reaguar në lidhje me këtë situatë duke e quajtur kaosin e ndodhur në Afganistan një tragjedi njerëzore dhe është shprehur se pamjet nga Kabuli kanë prekur të gjithë popullin në mbarë botën.
“Ato janë pamje dëshpëruese për të gjithë njerëzit që u angazhuan për një jetë më të mirë atje vitet e fundit, që shpesh punuan fort me shëndetin, madje edhe jetën e tyre. Këto ditë ne po përjetojmë një tragjedi njerëzore për të cilën jemi bashkëpërgjegjës dhe një pikë kthese politike, që na trondit dhe që do të ndryshojë botën. Dhe ne gjithashtu duhet të kërkojmë përgjigje së bashku në aleancën perëndimore. Sepse pa këtë aleancë dhe solidaritetin në aleancë, ne nuk do të kishim shkuar në Afganistan njëzet vjet më parë. Angazhimi gjerman, si angazhimi i shumë shteteve të tjera të NATO -s dhe perëndimore në Afganistan, mund të kuptohet dhe vlerësohet vetëm në aleancë- tha Steinmeier.
Presidenti i Gjermanisë ka pohuar se është pro largimit të personave nga Afganistani dhe është shprehur se do të bëje gjithçka që ka në ‘dorë’ për të sjellë në siguri jo vetëm qytetarët gjermanë, por edhe ata që kishin qëndruar në anën gjermane për vite me radhë.
