Lideri i opozitës, Sali Berisha, në një dalje për mediat e ka akuzuar kryeministrin Rama si përgjegjës kryesor të korrupsionit dhe vjedhjeve në vend.
Duke u ndalur te afera e inceneratorëve, si dhe ajmet që qarkullojnë se qeveria ka vendosur të rikthehet te metoda e riciklimit me një kosto shtesë 100 milion euro, Berisha u ka bërë thirrje qytetarëve që të bëhen bashkë për të protestuar kundër këtij regjimi.
“Në këtë kushte duhet që qytetarët shqiptarë të ngrihen në mbrojtje të pasurive publike dhe kupolës më të rrezikshme të mafies së plehrave.
SKAP-i i partisë është totalisht jashtë çdo mundësie që të kafshojë krerët e partisë të zhytur gjer në aferën e djegësave. Pasi vodhën mbi 200 mln euro me djegësat tani detyrohen të kthehen tek ajo strategji e qeverisë së mëparshme. Në këtë rast ju bëj sërish thirrje qytetarëve që të ngrihemi ndaj këtij njeriu që nuk njeh normë kufij, që nuk ndalet para vjedhjeve të përsëritura”, tha Berisha.
