Mbërritja e Coronavirusit në Europë dhe konfirmimi i rastit të parë në shtetin grek ka shtuar masat në pikën kufitare të Kapshticës.
Përgjatë 24 orëve në doganë qëndron një staf mjekësor me 2 mjekë dhe 3 infermierë, i cili bën kontrollimin e çdo udhëtari që hyn në Shqipëri.
Në spitalin e Bilishtit është përshtatur një ambient që do të funksionojë si karantinë e përkohshme në rast se mjekët hasin në persona me simptoma, ndonëse deri tani situata paraqitet normale.
Nga ana tjetër, pala greke në të njëjtën vijë kufitare nuk ka asnjë masë të shtuar në lidhje me situatën e Covid 19.
Të hënën OBSH ngriti alarmin se jemi në prag të një pandemie, ndërsa së fundmi, mediat e huaja shkruajnë se një kompani farmaceutike nga Cambridge, Massachusetts, pretendon se është afër krijimit të vaksinës kundër Coronavirusit.
Kompania amerikane gati vaksinën kundër Coronavirusit, por nuk del në treg para vitit 2021
Fatmirësisht, në vendin tonë nuk raportohet për asnjë të prekur teksa së fundmi, Komitetit Teknik i Ekspertëve zhvilloi një mbledhje me fokus masat paraprake për parandalimin dhe përhapjen e Coronavirsuit.
Bëhet me dije se Ministria e Shëndetësisë dhe Mbrojtjes Sociale ka rialokuar një fond shtesë prej 1 milion dollarësh në buxhetin e spitaleve, që do përdoret për rritjen e stokut aktual të mjeteve të mbrojtjes personale.
Ministria e Shëndetësisë rialokon një fond prej 1 milion dollarësh për mbrojtjen nga Coronavirusi
