Jasin Drijaj, 18 vjeç është vënë në prangat e Policisë së Shkodrës këtë të dielë pasi u kap në flagrancë duke lëvizur i armatosur. Sipas Policisë, i riu u kap në lagjen “Përlat Rexhepi” në kuadër të operacionit “Sundimi i Ligjit”. Në momentin e arrestimit iu gjet arma e llojit pistoletë dhe dy krehra me fishekë.
NJOFTIMI I POLICISË:
Lëvizte i armatosur me pistoletë, arrestohet në flagrancë 18-vjeçari. Sekuestrohen arma e zjarrit pistoletë, 2 krehra me fishekë, automjeti që drejtonte 18-vjeçari dhe celulari i tij. Si rezultat i administrimit të menjëhershëm të inteligjencës policore që sigurohet në kuadër të planit operacional kombëtar të koduar “Sundimi i ligjit”, për shtetasit që posedojnë armë, pa leje, shërbimet e Komisariatit të Policisë Shkodër, në bashkëpunim me ato të Forcës Kombëtare të Sigurisë, Njësia Shkodër, finalizuan operacionin policor të koduar “Sinjali”. Gjatë operacionit u kap në flagrancë dhe u arrestua shtetasi J. D., 18 vjeç, banues në fshatin Boriç i Madh. Në lagjen “Perlat Rexhepi”, shërbimet e Policisë sinjalizuan dhe ndaluan për kontrolle automjetin që drejtonte 18-vjeçari, ku gjetën 1 armë zjarri pistoletë të cilën ky shtetas e mbante pa leje dhe 2 krehra me fishekë luftarak. Materialet procedurale i kaluan Prokurorisë pranë Gjykatës së Shkallës së Parë.
