Emri i ri i Maqedonisë vazhdon të mbetet një problem për Greqinë dhe këtë e vërtetoi edhe ditën e sotme, ku parlamenti grek shtyu takimin ku do të votohej mbi këtë çështje.
Votimi pritej të bëhej mbrëmjen e sotme, por është shtyrë për ditën e nesërme në orën 14:30.
Ky ndryshim është bërë për shkak të numrit të konsiderueshëm të deputetëve, të cilët kërkojnë të marrin fjalën para zhvillimit të këtij votimi.
Votimi vjen pas nënshkrimit të Marrëveshjes së Prespës mes Zaev dhe Cipras, në të cilën specifikohet se Maqedonia do të quhet Republika e Maqedonisë së Veriut.
Që kjo marrëveshje të marrë formë, duhet të miratohet jo vetëm nga Parlamenti Maqedonas, por edhe nga ai grek, në të cilin duhen minimalisht 151 deputetë pro.
Nuk dihet ende sesi do të jetë fundi i këtij pakti dhe nuk na mbetet gjë tjetër vetëm të presim ditën e nesërme për vendimin që do të dalë nga parlamenti grek.
