Një aksident me pasojë vdekje ka ndodhur ditën e sotme në aksin Delvinë- Kardhiq. Një grup motoristësh po udhëtonte në zonë, në vendin e quajtur “Kthesa e Senicës”, kur një prej tyre ka dalë nga rruga.
Si pasojë e rënies së motorit, ka humbur jetën drejtuesi, Astrit Lamaj, 53 vjeç.
Njoftimi i policisë:
Sot rreth orës 11:30, në aksin rrugor “Skërficë-Fushë Vërri”, gjatë lëvizjes së një grupi motorristësh, njëri prej motomjeteve që drejtohej nga shtetasi A. L., 53 vjeç, banues në Durrës, është përplasur me barrierat mbrojtëse të rrugës dhe ka dalë nga rruga. Për pasojë ka ndërruar jetë drejtuesi i motomjetit shtetasi A. L.
Grupi hetimor po punon për zbardhjen e plotë të rrethanave të aksidentit, ku paraprakisht dyshohet se 53-vjecari ka humbur kontrollin mbi drejtimin e motomjetit.
