Për herë të parë, në zgjedhjet parlamentare të datës 11 maj, shqiptarët që jetojnë jashtë vendit do të mund të votojnë.
Komisioni Qendror i Zgjedhjeve (KQZ) ka nisur procesin e miratimit të kërkesave nga emigrantët për t’u regjistruar. Deri tani, numri i atyre që kërkojnë regjistrim ka arritur në 16,090.
Sipas të dhënave zyrtare nga KQZ, deri tani janë miratuar 2,423 kërkesa, ndërsa 424 kërkesa janë refuzuar. Po ashtu, disa emigrantë do t’u duhet të përditësojnë dokumentet për të marrë konfirmimin e plotë të regjistrimit.
Në statistikat e KQZ, vërehet se shumica e kërkesave vijnë nga Italia (30,1%), pasuar nga Greqia (21,3%) dhe Gjermania (16,2%).
Më poshtë, tabela e përditësuar e statistikave të KQZ për kërkesat e shqiptarëve për të marrë pjesë në zgjedhjet parlamentare të ardhshme.
