Edhe Holanda do të ndërmarrë një sërë hapash shtrënguese për të kufizuar emigrimin. Qeveria holandeze thotë se synon të zbatojë një sërë masash në muajt e ardhshëm, duke përfshirë një moratorium për të gjitha aplikimet e reja. Ky vendim vjen pak pasi Gjermania njoftoi kontrolle të reja kufitare për të mbajtur larg emigrantët e padëshiruar. Qeveria përsëriti synimin e saj për të kërkuar një përjashtim nga rregulloret e Bashkimit Evropian për azilin, pavarësisht rezistencës së parashikuar nga BE, pasi shtetet anëtare kanë rënë dakord tashmë për një pakt emigrimi dhe përjashtimet përgjithësisht negociohen më herët në proces.
“Sapo miratohet legjislacioni në BE, nuk është zakon që të tërhiqet,” u tha gazetarëve zëdhënësi i BE-së Eric Mamer, duke iu drejtuar tërheqjes së mundshme holandeze.
Si pjesë e veprimeve të saj fillestare, qeveria planifikon të ndërpresë lejet e azilit pa afat dhe të kufizojë ndjeshëm opsionet e bashkimit familjar për ata që u është dhënë azili. Për më tepër, ata do të fillojnë të hartojnë një ligj emergjence që mund të ndalojë të gjitha aplikimet e reja për azil deri në dy vjet, duke reduktuar gjithashtu shërbimet e disponueshme për azilkërkuesit.
