Ditën e premte ish-kryetari i FRESSH, Pandi Cunge u emërua administrator i njësisë administrative Qendër, nga kryebashkiaku i Kolonjës, Erion Isai.
Kujtojmë këtu se dy ditë para zgjedhjeve u tha se ai goditi me thikë një qytetar që kishte ofenduar Isain në rrjetet sociale.
Pas kësaj ka reaguar kryebashkiaku i Kolonjës, Isai i cili përgënjeshtron lajmin.
“As thikë, as plagosje, as për arsye banale, as për politikë, aq më pak për mua… apo më banale akoma, për fb, insta, snap… etj etj. E vetmja plagosje e ndodhur në fakt, është ajo virtuale, që nga gojët e shqyera të politikës përhapet nëpër gazeta dhe portale pa asnjë kujdes për të vërtetën që mund të gjendet lehtësisht në raportet e policisë.
Pandi Cunge, duhet dhe do të ndjekë me gjyq për shpifje, gjithë këtë “thertore” virtuale. Ndërsa s’duhet të ulë vrullin e punës në hapësirën e provës, që detyra kërkon!”, shkruan Isai në Facebook.
