Pasi bëri përditësimin e të dhënave në lidhje me koronavirusin, zv. Ministrja e Shëndetësisë, Mira Rakacolli, iu përgjigj pyetjeve të gazetarëve.
Rakacolli bëri me dije, se qeveria shqiptare i ka dërguar një kërkesë për mjekë qeverisë kineze, nëpërmjet ambasadës në Tiranë.
Në lidhje me kurimin e pacientëve, ajo u shpreh se po përdoren ilaçet kundër malaries, të cilët janë efektivë edhe ndaj koronavirusit.
Përsa i përket mjekëve të infektuar, Rakacolli tha se përveç shefit të Urgjencës Kombëtare, Skënder Brataj, nuk ka asnjë tjetër.
Zv.ministrja tha gjithashtu se Shqipëria disponon mbi 200 respiratorë, duke përfshirë edhe ato në strukturat private, ndërsa është porositur edhe një sasi tjetër.
“Iconstyle.al” shkroi dy ditë më parë për inciativën e dy laborantëve shqiptarë, Eldian Cepeli dhe Besar Lalike, të cilët kanë nisur prodhimin e pajisjeve për modifikimin e ventilatorëve mjekësorë, për të bërë të mundur furnizimin me oksigjen të dy pacientëve njëkohësisht.
Eksperimeti rezultoi me sukses dhe kjo u konfirmua edhe nga shefi i Task-Forcës ndaj COVID-19, prof.dr. Arben Gjata.
Bilanci i COVID-19 në vendin tonë është 146 të prekur, nga të cilët 17 të shëruar dhe 5 viktima.
Në përditësimit e fundit të Ministrisë së Shëndetësisë u mësua se gjatë 24 orëve të fundit janë kryer 111 teste, nga të cilët 23 rezultuan pozitiv.
Në repartin e Infektivit janë shtruar 72 persona, ku 4 janë në gjendje të rëndë, 3 prej të cilëve ndodhen në intubim
Harta e qyteteve të prekur nga koronavirusi u zgjerua me Krujën, e cila regjistroi rastin e parë.
Autoritetet ndërkohë vijojnë me thirrjet për respektimin e rregullave të higjienës, distancimit social dhe kufizimin e daljeve nga shtëpitë.
