Kryeministri Edi Rama është përfshirë në një ngjarje skandaloze në Gjermani, gjatë kohës që udhëtoi nga Frankfurti drejt New York-ut.Der Spiegel raporton se Rama është shoqëruar nga policia pasi nuk ka ka pranuar të vendosë maskën anti-covid. Gjithçka ka ndodhur në bordin e avionit të Lufthansa gjatë muajit dhjetor.
Pasagjerët që kanë qenë dëshmitarë të ngjarjes, rrëfejnë se kreu i qeverisë refuzoi me forcë mbajtjen e maskës mbrojtëse saqë ekuipazhi është detyruar të thërrasë kapitenin për ndihmë. Megjithatë, duke qenë se ai gjithashtu nuk ishte në gjendje të bindte kreun e qeverisë shqiptare për të mbajtur maskën FFP2, ndërhyri policia federale dhe bëri shoqërimin e kryeministrit shqiptar.
Elisa Spiropali, ka komentuar incidentin e kryeministrit Rama të ndodhur në avionin e Lufthansa-s gjatë fluturimit nga Gjermania për në SHBA, ku kreu i qeverisë shqiptare, u nxorr jashtë bordit të avionit sepse nuk mbante maskën anti-covid.
Nëpërmjet një interviste të dhënë për emisionin “Zonë e Lirë”, Spiropali deklaroi se punonjësit e ekuipazhit të kompanisë ajrore nuk e dinin me kë kishin të bënin, dhe se veprimi i tyre ishte shoqëruar me një ndjesë të mëtejshme nga kompania “Lufthansa”.
“E ka sqaruar Endri Fuga, kanë kërkuar ndjesë anëtarët e ekuipazhit. Lajmi është i vjetër, para shumë muajsh. Më duket krejt e parëndësishme tani, përderisa vetë kompania ka kërkuar falje. Këtu mbyllet. Në kohë pandemie edhe pilotët edhe anëtarët e ekuipazhit kanë qenë të stresuar. Ky nuk është lajm për t’u mërzitur. Mesa kuptoj është një keqkuptim nga anëtarët e ekuipazhit që nuk e kanë ditur se me kë kanë të bëjnë”, deklaroi Spiropali.
