Një ngjarje e rëndë por fatmirësisht pa pasojë për jetën është regjistruar në qytetin e Elbasanit mëngjesin e sotëm.
Një person me probleme të shëndetit mendor i ka vënë zjarrin apartamentit të tij në një pallat në lagjen “Spaikorre”.
Fqinjët e alarmuar kanë lajmëruar menjëherë policinë dhe zjarrfikësen, ku këto të fundit kanë arritur të shuajnë zjarrin brenda pak minutash.
Për fat të mirë, personi që ndodhej brenda ka shpëtuar me dëmtime të lehta, ndërsa orenditë janë shkrumbuar.
Mësohet se personi që jetonte në apartament është identifikuar si B.H. dhe prej vitesh kurohej me medikamente për shkak të problemeve me shëndetin mendor.
