Ligji i ri që ka hyrë në fuqi i mbron mjekët në krye të detyrës njësoj si policët apo zyrtarët e tjerë të shtetit.
Por sërish një mjek ka rënë pre e dhunës sot në spitalin e Elbasanit, kur një familjar i një pacienti e ka goditur dhe kërcënuar.
Megjithatë Policia e Elbasanit, mundi që të arrestojë autorin 29-vjeçar, pasi ka goditur dhe kanosur mjekun në krye të detyrës.
Në pranga ka rënë i riu K. G., pasi ka goditur mjekun e Urgjencës në Spitalin e Elbasanit, 55-vjeçarin Sh. K.
“Specialistët për Hetimin e Krimit në Komisariatin e Policisë Elbasan, arrestuan në flagrancë shtetasin: K.G., 29 vjeç, banues në Elbasan, pasi në urgjencën e spitalit Elbasan, ka goditur dhe kanosur me fjalë mjekun e gatshëm shtetasin Sh.K., 55 vjeç, banues në Elbasan”,- thuhet në njoftimin e policisë.
/GazetaReforma.com/
