Ditën e djeshme një krim makabër ndodhi në Elbasan, ku një 58-vjeçar ekzekutoi me sëpatë kunatën e tij, Alma Qevanin. Ndërkohë që është zbardhur dëshmia e Tefik Tashit, i cili vrau kunatën një ditë më parë ne sëpatë në fshatin Kusarth në Elbasan.
Para grupit hetimor ai ka deklaruar se e vrau kunatën e tij Alma Qevanin, pasi ajo kishte ditë që nuk e lejonte bashkëshorten e autorit që të shkonte në shtëpinë ku jetonte me bashkëshortin.
Kjo dyshohet se ka qenë nisja e konfliktit që përfundoi tragjikisht.
Gjithashtu para grupit hetimor Tafik Tashi ka pohuar se kunata e tij Alma e ofendonte kohët e fundit. ‘Kishte kohë që më ofendonte, nuk munda ta duroj dot ma thoshte sa herë madje edhe në prani të familjarëve.’- mësohet të këtë thënë ai.
Policia bëri me dije se autori, 58-vjeçari Tefik Tashi është pikasur nga efektivët teksa vraponte me sëpatë dhe duart e gjakosura, në afërsi të fshatit Shirgjan.
Ky i fundit e kishte lënë fillimisht të plagosur kunatën, e cila pasi është transportuar në spital, nuk ka mundur t’u bëjë ballë plagëve të marra.
Pasi është shoqëruar në komisariat, autori nuk ka shfaqur pendesë dhe ka deklaruar se e kishte vrarë kunatën pas ofendimeve të saj.
