Ekzekutoi familjarët dhe më pas veten, Valdete Bllaca u transferua në Policinë e Gjilanit pas problemeve të shëndetit mendor

Google+ Pinterest LinkedIn Tumblr +

Një ngjarje e rëndë tronditi Gjilanin ditën e djeshme, ku një punonjëse policie vrau me armën e shërbimit prindërit dhe dy vëllezërit dhe më pas veten.

Brenda vilës 3 katëshe në lagjen “Bujanina”, Valdete Bllaca qëlloi me pistoletë dretj Zeqir Bllacës 70 vjeç, Hanife Bllacës 66 vjeçe dhe dy vëllezërve Blerimit dhe Fisnikut, përkatësisht 43 dhe 34 vjeç.

Sipas “Balkanweb”, grupi hetimor dyshon se shkak për ngjarjen janë bërë problemet piskologjike që ka shfaqur 45-vjeçarja.

Valdete Bllaca punonte prej 18 vitesh në Policinë e Kosovës.

Ajo ishte transferuar 3 vitet e fundit nga Prishtina në postën e Gjilanit, për shkak të problemeve mendore.

Edhe pse i ishte hequr me ligj uniforma, ajo vazhdonte të mbante me vete armën e shërbimit, me të cilën kreu edhe krimin.

Gjithashtu ajo kishte shfaqur probleme në sjelljen me kolegët, por asgjë nuk ishte dokumentuar.

Mësohet se pas ngjarjes së rëndë janë pezulluar nga puna 4 punonjës të Postës së Gjilanit, përfshi edhe komandanti i Valdetes.

Ka dyshime se vrasja mund të ketë ndodhur edhe për konflikte pronësie, pasi pas vilës ku jetonin, ndodhej shtëpia e tyre e vjetër.

Trupat e pajetë të 5 anëtarëve të familjes ndodhen në morgun e Gjilanit, ku po i nënshtrohen ekspertizës mjeko-ligjore.

Shpërndaje
Share.

Komento