Ditën e djeshme një ekzekutim ka ndodhur në Kavajë ku Habib Rexha ka vrarë me armë zjarri Arjan Gosën. Ndërkohë që janë publikuar pamjet që tregojnë momentin kur Rexha largohet nga skena e krimit pasi kreu aktin makabër.
Ky është momenti kur Habib Rexha largohet me shpejtësinga lokali ku kreu vrasjen e Arjan Gosës.
Siç shihet edhe në pamje, ai e mban pistoletën në dorën e majtë, pasi dorën e djathtë e ka të dëmtuar. Me tu siguruar që shënjestra u vra, ai ka nisur të vrapojë për tu larguar nga vendngjarja. Ende ai nuk është arrestuar nga Policia, e cila ofron shpërblim 10 mijë euro për këdo që jep informacion për 31-vjeçarin. Vlen të theksojmë se shkak i vrasjes është hakmarrja, pasi Habib Rexha është vëllai i Altin Rexhës, i cili mbeti i vrarë në vrasjen e dyfishtë në muajin mars të këtij viti në Kavajë, ku viktimë mbeti edhe Edmond Gosa.
Nga të dhënat që janë publikuar deri më tani duket se Habib Rexha mori hakun e të vëllait, për një vrasje të dyfishtë në muajin mars që nisi për një konflikt banal. Autori veproi i vetëm, e duket se është përpjekur që shenjën e hakmarrjes t’ia kthejë në të njëjtën mënyrë fisit Gosa. Ashtu sikurse Arjani u ekzekutua në sy të të atit, edhe Altin Rexha kishte pasur të birin përdore kur Edmond Gosa e la të vdekur.
