Persona të paidentifikuar ekzekutuan ditën e sotme me armë zjarri 47-vjeçarin Kastriot Reçi.
Ngjarja është regjistruar sapo Reçi doli nga lokali i tij në Rrëshen.
Mësohet se 47-vjeçari është pronar i televizionit “Media Plus”, që operon në qarkun e Lezhës.
Policia ka ngritur postblloqe në hyrjen dhe daljet e qytetit dhe në Rrugën e Kombit, për kapjen e autorëve.
Mirditë/Informacion paraprak
Sot, rreth orës 11:05, në afërsi të një lokali në Rreshen, Mirditë,në rrethana ende të paqarta është vrarë me armë zjarri shtetasi K.R., 47 vjeç
Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.
Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve.
