Një ngjarje e rëndë u regjistrua mbrëmjen e djeshme në zonën e Porcelanit në kryeqytet.
Ish-efektivi i policisë, Santjago Malko, u ekzekutua brenda automjetit të tij “BMW X5” nga persona të paidentifikuar.
Autorët më pas u larguan me shpejtësi drejt fshatit Ferraj, ku dogjën edhe automjetin e tyre “Mercedes Benz”.
Brenda mjetit të djegur është gjetur edhe një kallashnikov, i cili dyshohet të jetë përdorur nga autorët për të kryer krimin.
Në vendngjarje policia ka gjetur më shumë se 10 gëzhoja, ndërsa janë shoqëruar 10 persona.
Siç shkruan “TPZ” policia ka identifikuar njëri prej personave që mori pjesë në atentat, me iniciale D.A, i cili tashmë është shpallur në kërkim.
Ish-punonjësi i Policisë së Tiranës, Santjago Malko, ka qenë më parë i arrestuar.
Në vitin 2016 ai u konfliktua me dy vëllezërit, Edmond dhe Gentian Lashi në rrugën “Ismail Alla”, vetëm pak metra larg drejtorisë së Policisë së Tiranës.
Dyshohet se asokohe, shkak për konfliktin ishte një borxh i pashlyer.
Santjago Malko shkoi në pikën e basteve të vëllezërve Lashi ku dhe u përplas fizkisht me ta.
Në konflikt e sipër, Malko goditi me qytën e pistoletës njërin prej vëllezërve.
