Teksa kryqyteti është tronditur nga ekzekutimi i 49-vjeçarit, Edmond Papa, një reaim në lidhje me ngjarjen e rëndë ka ardhur edhe nga kreu i Partisë Demokratike, Sali Berisha.
Ai shprehet se atentati që ndodhi në zemër të Tiranës tregon se qeveria dhe Policia e Shtetit janë inekzitente në këtë vend dhe kriminelët tashmë nuk kanë frikë nga asgjë.
Madje Berisha shprehet se policia licenson aktet e rënda të kriminelëve dhe sipas tij kryeministri Rama dhe ministri Çuçi e kanë shndërruar Shqipërinë në një vend të pasigurtë.
Postimi i plotë:
Atentat në zemër të Tiranës! Ligji dhe rendi në duart e krimit!
Te dashur miq, një tjetër atentat, me pasojë vdekjen, ka ndodhur pak çaste më parë, në zemër të Tiranës, në Komunën e Parisit. Aq inekzistente janë qeveria dhe policia në këtë vend, sa kriminelët nuk pyesin më për asgjë. Me platformen e Edi Rames koken ti hane njeri tjetrit rendin e bejne kriminelet dhe vrasesit. Atentatet bëhen kudo, kriminelët nuk kujdesen aspak për detaje e as nuk kanë më frikë nga policia, përkundrazi, policia dhe qeveria liçenson aktet e tyre.
Edi Rama dhe ministri i tij familjes Çuçi kane shndërruar Shqipërinë në një vend të pasigurtë për ne dhe fëmijët tanë, një vend ku bandat dhe qeveria nuk kanë më asnjë dallim nga njëra-tjetra.
