Në orët e para të mëngjesit një pallat në Astir është përfshirë nga flakët, ku si pasojë janë lënduar 8 persona.
Sipas ekspertizës paraprake, dyshohet se zjarri në pallatin në Astir është vënë qëllimisht në një prej makinave në garazhin e pallatit. Zjarri në Astir nisi nga makina e Sino Llanajt, e llojit “Range Rover”, biznesmenit të fushës së ndërtimeve që u plagos në janar të vitit 2021 pas një përplasjeje me armë zjarri që ndodhi në ‘Rrugën e Kavajës’. Mësohet se mjeti i Llanajt ka qenë i parkuar në garazhin e pallatit që mori flakë dhe djegia e tij ka qenë synimi i autorëve që aktivizuan flakët. Zona është rrethuar nga forcat RENEA dhe njësia anti-eksploziv pasi dyshohet se në metin e Lanajt është vendosur një sasi tritoli.
Ndërkohë që Policia e Shtetit ka zbardhur detaje nga zjarri që përfshiu një pallat, në zonën e Astirit, në Tiranë. Policia njofton se zjarri ka rënë zjarr në një garazh dhe janë djegur 4 automjete, ndërsa kanë përfunduar në spital me dëmtime të lehta 8 presona.
“Si pasojë e zjarrit, janë dëmtuar lehtë dhe kanë shkuar për mjekim në spital shtetasit A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar”, thuhet ndër të tjera në njoftimin e policisë.
Njoftimi i Policisë së Shtetit:
Më datë 21.06.2022, në Unazë të Re, në rrugën “Aleksandri i Maqedonisë”, në orët e para të mëngjesit ka rënë zjarr në një garazh dhe janë djegur 4 automjete.
Si pasojë e zjarrit, janë dëmtuar lehtë dhe kanë shkuar për mjekim në spital shtetasit A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar.
Grupi hetimor po punon për sqarimin e rrethanave të ngjarjes.
