Eksperti i pensioneve, Kujtim Hoxha, deklaroi se pensionistët paguajnë TVSH njësoj si çdo kategori tjetër e popullsisë.
Ai sugjeroi që qeveria duhet t’u rikthejë këto para pensionistëve në forma të ndryshme, për të mbështetur këtë shtresë të shoqërisë.
“Nëse një pensionist e merr 190 euro, atëherë ti i mban pensionistit 45 euro. Pensionistit duhet t’ja kthesh këto para. Qeveria mund ta kthejë TVSH me anë të bonusit ose formë tjetër. Ministri ka thënë se do ketë edhe një bonus pranvere.
Mund të kthejë këto para në formë bonusi. Paratë që pensionistët paguajnë për TVSH t’ju kthehen në forma të ndryshme nga qeveria”, tha Hoxha.
