Efektivja Ina Nuka rifitoi gishtat me anë të një operacioni me teknikë të re të bërë nga doktorët turq të cilët shprehen se ata janë të kënaqur për faktin se ajo ka filluar të lëviz gishtat tashmë.
Në rastin e Inës u krye një operacion me teknikë të re i cili zgjati 4 orë dhe rezultoi i suksesshëm.
Kujtojmë se Ina Nuka u plagos në protestën që u zhvillua para Kuvendit të Shqipërisë nga banorët e Unazës që dolën kundër projektit të ndërtimit të Unazës së Madhe.
Efektivja u përpoq të largonte nga qafa një kapsoll të hedhur nga protestuesit dhe në atë moment kapsolli i plasi në dorë duke i sjell kështu humbjen e gishtave të dorës.
Prof. Dr. Ramazan Erkin Ünlü, në deklaratën e tij për AA, në lidhje me operacionin tha se pacientja ka humbur gishtin e madh si dhe majat e gishtave të tjerë si pasojë e lëndës shpërthyese që ka goditur dorën e saj.
“Është një metodë e cila me sukses po zbatohet edhe në klinikën tonë. I sugjeruam pacientes sonë teknika të ndryshme siç është kjo. Ajo tha se në asnjë mënyrë nuk dëshiron të humbas gishtin e madh të këmbës. Kishte një psikologji shumë të ndjeshme. Dëshiruam që të ndihmojmë pacienten. Zhvilluam një teknikë shumë të ndryshme e cila deri tani nuk gjendej në literaturë. Operacioni kaloi me sukses. Kombinuam pjesë nga legeni dhe nga krahu. Me këtë metodë iu përgjigjëm kërkesës së pacientes si dhe nuk mungoi asnjë pjesë nga trupi i saj. Do të zhvillojmë edhe më tej këtë metodë që e kemi zbatuar. Pacientja filloi të përdorë dorën. Në literaturë nuk ka gjë të tillë. Më parë është bërë në mënyrë të pjesshme. Nuk ka emër kjo metodë. Ne do ta emërtojmë.”- u shpreh ai.
