Një efektiv i Forcave Operacionale të Beratit është vënë në pranga nga autoritetet greke, ku ishte nisur për pushime. Mësohet se bëhet fjalë për shtetasin Amarildo Kureta, 32-vjeç. Ministri i Brendshëm Taulant Balla ka sqaruar se ky i fundi është përjashtuar nga radhët e policisë, dhe se prej datës 2 gusht nuk ishte më në detyrë. Sipas informacioneve bëhet me dije se Kureta kishte marrë lejen vjetore dhe ishte nisur për pushime, por sapo ka hyrë në doganën greke ai është prangosur, pasi ishte i shpallur në kërkim ndërkombëtar për trafikim droge. Por, burimezyrtare të DVP Berat konfirmojnë se nuk kanë pasur asnjë njoftim nga Interpoli se efektivi i tyre ishte person “i shpallur në kërkim” për trafik droge pas hetimeve disa vjeçare dhe kriptimeve të bisedave telefonike mes efektivit dhe një rrjeti të strukturuar krimi në fushën e narkotikëve.
BKH kontroll në vilën dhe zyrat e Samir Manes, sekuestrohet telefoni pas dosjes së kokainës dhe pastrimit të parave
Byroja Kombëtare e Hetimit ka ushtruar kontrolle në vilën e biznesmenit Samir Mane, si dhe në ambientet e zyrës së...
